Соңғы қоңыраулар мен бітіру кештерін ұйымдастыру:

Соңғы қоңырау мен бітіру кеші – мектеп түлектері үшін ерекше әрі есте қаларлық сәт. Бұл іс-шараларды жоғары деңгейде өткізу үшін олардың өтетін күндерін нақты белгілеу және форматын үйлестіру аса маңызды.

1. Іс-шаралардың күндерін үйлестіру

Соңғы қоңырау мен бітіру кешінің күндері мектеп әкімшілігі, сынып жетекшілері және ата-аналар комитетінің келісімімен, жергілікті білім бөлімінің нұсқаулығына сәйкес бекітіледі.

• Соңғы қоңырау күні 24 мамырда өткізіледі. Бұл – оқу жылының ресми аяқталуы мен мектеппен қоштасу сәті.
• Бітіру кеші әдетте маусым айының екінші жартысында, ҰБТ аяқталған соң ұйымдастырылады. Бұл күн түлектер үшін ерекше естелік пен жаңа өмірге қадам басу мерекесі болып табылады.

Күндерді үйлестіру кезінде ескерілетін жайттар:

• Мемлекеттік, жергілікті маңызды іс-шаралармен сәйкес келмеуі;
• Ата-аналар мен оқушылар үшін ыңғайлы уақытты таңдау;
• Ауа райының болжамын алдын ала қарастыру;
• Барлық ұйымдастырушы тараптардың келісімімен бекіту.

Іс-шаралардың мазмұны мен форматы оқушылардың жас ерекшелігіне, мектептің мүмкіндіктеріне және қауіпсіздік талаптарына сай құрылуы керек.

Соңғы қоңырау

• Сипаты: Ресми-салтанатты
• Өтетін орны: Мектеп ауласы немесе акт залы (ауа райына байланысты)
• Мазмұны:
  • ҚР Мемлекеттік Гимні
  • Құттықтау сөздер (мектеп басшысы, мұғалімдер, ата-аналар)
  • Мектеп вальсі
  • Соңғы қоңырау соғу рәсімі
  • Арнау өлеңдер мен қоштасу әндері

Қорытынды

Соңғы қоңырау мен бітіру кешін ұйымдастыру – көпшілікпен келісе отырып, жүйелі түрде жоспарлауды талап ететін жауапты жұмыс. Іс-шаралардың күндері мен форматтары дұрыс үйлестірілген жағдайда, бұл күн түлектер мен ата-аналар үшін ұзақ уақыт есте қаларлық әсерлі оқиғаға айналады.

Соңғы қоңырау мен бітіру кеші – түлектер үшін ерекше әрі жауапты сәт. Мұндай ауқымды іс-шараларды ұйымдастыру кезінде ең алдымен оқушылардың, мұғалімдердің және ата-аналардың қауіпсіздігін қамтамасыз ету басты назарда болуы тиіс. Іс-шаралардың сәтті өтуі – қауіпсіздік шараларының нақты жоспарланып, толық орындалуына байланысты.

  Мектеп әкімшілігі ішкі істер органдарымен бірлесіп, іс-шара кезінде қоғамдық тәртіптің сақталуын қамтамасыз етеді.

  Іс-шараға дейін және іс-шара кезінде мектеп инспекторы лейтенант Ауелбеков А.С профилактикалық түсіндіру жұмыстарын жүргізеді.

  Мектеп аумағында және бітіру кеші өтетін жерде бейнебақылау жүйесі жұмыс істеп тұрады.

  Бөгде адамдардың кіруіне жол бермеу үшін кіру-шығу тәртібі бақыланады.

  Іс-шараға қатысушылардың мектепке немесе кеш өтетін орынға қатынау қауіпсіздігі қамтамасыз етіледі.

  Қажет болған жағдайда ата-аналар көлігіне бақылау, жаяу жүргінші жолдарында кезекшілік ұйымдастырылады.