Жалпыреспубликалық ата-аналар жиналысы

Қазақстан Республикасының Білім және ғылым министрлігінің хатына сәйкес, 2020-2021 оқу жылының аяқталуын ұйымдастыру мақсатында 22.05.2021ж жалпыреспубликалық ата-аналар жиналысы болып өтті. Мақсаты: ата-аналарды (балалардың заңды өкілдерін) 2020-2021ж оқу жылының қорытындылары туралы хабардар ету және ата-анасының педагогтармен жеке сөйлесуі арқылы баланың үлгеріміне егжей-тегжейлі талдау жасауға мүмкіндік беру.                                               
Жиналыс, мектебімізде 9-сынып оқушыларының ата-аналарына офлайн форматта қашықтықты сақтай отырып, барлық санитарлық талаптарға сай өткізілді. Жиналыс барысында күн тәртібіндегі негізгі мәселелер жан-жақты талқыланып, ата-аналар тарапынан қойылған сұрақтарға жауап берілді. Жиналыс кезінде мектебіміздің педагог-психологы Акадыкова Г.М. "Бала бақыт бастауы, отбасы -алтын діңгегі" тақырыбында ата-аналармен психологиялық тренинг өткізді. Сонымен қатар ата-аналарға бала- тәрбиесіндегі 14 кеңес атты видеоролик көрсетіліп жадынамалар таратты.