Наурызнама 16 наурыз Мәдениет және ұлттық салт дәстүр күні

Наурызнама 16 наурыз Мәдениет және ұлттық салт дәстүр күні

«Рахым Сарсенбин атындағы №192 ЖББМ»КММ -де Ұлыстың ұлы күні – «Наурыз» халықтық мерекені атап өтуге арналған онкүндік өткізілуде. Әр күн белгілі бір тақырып аясында өтуде. Соның бірі 16 наурыз - «Мәдениет және ұлттық салт-дәстүр» күні деп аталады. Бұл тақырып аясында халық жадында сақталып, әлі желісін үзбеген «Тұсаукесер» ғұрыпынан 5 сынып оқушылары музыкалық-театрландырылған көрініс қойды. Ондағы негізгі мақсат - халқымыздың дүниетанымы, салт-дәстүр, әдет-ғұрпы мен жөн-жоралғы, наным-сенімін, халықтың рухани өзегі, тілінің тірегі, төл мәдениетіміздің алтын арқауы, ұлттық ұстанымын насихаттау. Асыл қазынамызды қайта жаңғыртып, жалпы халықтық сипат алуына ден қою, жас ұрпақтың бойына сіңіру, ұлт құндылығын насихаттау. Әдет-ғұрып салтымызды бүгінгі заманауи бағытта тұпнұсқаға сай мән-мазмұны, шығу тарихы, дамыту жолдарын саралап, қайта жаңғырған бай қазынамызға айналдыру. Ал қазақтың құндылығы оның салт-дәстүрінде.